رفضت اعتذار باسم؟ طب وريني شطارتك بقى مع السيسي اللى لسه ما اعتذرش



قبل ماتعمل فيها عاقل وثوري وأمين، وتقول لي انك قابل اعتذار باسم يوسف أو مش قابله، وريني كده موقف حضرتك الشريف والمحترم والثوري الأمين من مصطفي بكري ولميس وعماد وعمرو أديب وأماني ومرتضى والبرغوثي وعيسى والإبراشي والجلاد وكل أبناء صفوت الشريف الذين أطلقهم سيادة المشير عبدالفتاح السيسي ليحاصرون البلاد والعباد بأحاديث المؤامرة ، ويملأون الهواء بالأكاذيب، وإلصاق الاتهامات بكل من شارك في ثورة 25 يناير، ثم يكافئهم من أموال القوات المسلحة، التي هي قوات الشعب "..  من عشرات اللى انت بتشتري جرايدهم وبرامجهم وبتردد كلامهم على انه حقايق مسلم بيها؟
باسم لم يقل أنه مفكر أو مناضل أو قائد.. وعمره ماقال انه كاتب ولا مفكر ولا محقق صحفي، الراجل من يوم ما ظهر بيقول "انا كوميديان.. بوريكوا نفسكم.. لو مكسوفين منها غيروها".
وإن كان يفعل كل ذلك بقدرته على كشف المخادعين، وقدرته على الاعتذار وإدراك مناطق الخلل لدى غيره ولديه هو نفسه.
ترى باسم حرامي ومخادع..و السيسي بطل.. هو مين اللي أقسم على محاربة الإرهاب وطمأنة الشعب، ومنذ تفويضه لم ينم فرد في مصر وهو آمن؟ ولم يعتذر؟
 قولي إزاي موافق على حضور جناب السيسي لمؤتمر الإعلان عن جهاز الكفتة، ومرحب بتشكيله للجنة للتأكد من سلامة الاختراع؟ ولو ما اعتذرش عن مشاركته في المتاجرة بعذابات ملايين المرضى هو والسيد عدلي منصور، ح تعمل إيه معاه ومع الحوش اللى هللوله؟
بالمناسبة.. سيادة المشير عبدالفتاح السيسي، والمستشار عدلي منصور، رئيس الجمهمورية المؤقت، لم يعتذرا حتى الآن عن حضورهما مؤتمر التلاعب بآلام ملايين المرضي في مصر حتى الأن.
وقبل كل كده لو سمحت.. بص في المراية كويس.. وقولى انت مبسوط من اللي شايفه؟

تعليقات